Vil ha Rosemarie Köhn på sokkel
DEN NORSKE KYRKJA: Ei arbeidsgruppa har tatt initiativ til å setje opp ei statue av Nordens fyrste kvinnelege biskop. Fleire bispedømeråd har alt løyvd pengar.
BANA VEG: Rosemarie Köhn var den fyrste kvinnelege biskopen i Noreg og Norden. No ynskjer fleire å få opp ei statue av ho på Hamar. Köhn talte i Hamardomen under avskjedsmarkeringa for henne som biskop i 2006.
Bjørn Sigurdsøn
– Eg ivrar for dette, og håpar me lukkast, seier biskop i Hamar, Solveig Fiske om statueplanane.
Ho var ein del av arbeidsgruppa som starta opp initiativet med å få til ei statue av den fyrste kvinnelege biskopen i Noreg, Rosemarie Köhn. Sjølve ideen var det Arve Juritzen som kom opp med, og Fiske er no ute av gruppa.
Fiske seier noko av tanken med arbeidet er å vise fram ein viktig del av norsk historie og å lyfte fram Rosemarie Köhn sitt arbeid med å gjera Den norske kyrkja (DNK) til ei inkluderande folkekyrkje med rom for alle.
