Utdanningane fryktar for faglegheita i presteyrket – åtvarar mot å hoppe over studiet
TEOLOGI: Lærestadene har måtta gi unntak frå regelverket for å la personar utan teologiutdanning få bli prestar likevel. No støttar dei å skjerpe fleire krav.
Personar med «særskilde kvalifikasjonar» har kunna få unntak frå ein del krav til teologiutdanning for å kunne bli prest likevel. No har eit utval i Den norske kyrkja føreslått at den faglege tyngden skal bli tydelegare framover.
For vikarprest Roar Herlof Storjord i Beiarn i Nordland er utdanninga ein hump i vegen til ordinasjon. Sjølv om han blei godkjent for sine mange år som pastor i frikyrkja, og vikarprest, risikerer han å måtte ta meir utdanning enn det eine året han blei førespegla.
– Eg føler meg som ein spedalsk ved Samarias port, som ikkje får sleppe inn, seier vikarpresten.
