Elevar fekk ikkje møtast på skulen. No nektast dei lavvo-møte
BALESTRAND: Kommunedirektøren i Sogndal seier problemet ikkje er kvar skulelag møtest, men at det skjer i skuletida. Det kan setje stoppar for planane til ungdomsskuleelevar ved Sagatun skule om å møtast i lavvo i storefri.
SKULELAG: Skulelaget på Sagatun har lagslunsj på fotballbanen.
Privat
Det såg ut som det kunne bli ei løysing på kalde lagsmøte for ungdomsskuleelevar ved Sagatun skule i Balestrand, då Noregs Kristelege Student- og Skuleungdomslag (Laget) samla inn nok pengar til ein lavvo til ungdommane. Balestrand er ein tettstad i Sogndal kommune med om lag 800 innbyggjarar.
Men kommunedirektøren i Sogndal, Tor-Einar Holvik Skinlo, meiner at det ikkje er så enkelt.
I ei tekstmelding til Vårt Land skriv han at det ikkje er kvar elevane møtest som er utfordringa, men at det skjer i skuletida.
