Sindre Finnes fekk driva lobbyarbeid for skipsfartsprogram, eigde aksjar i partnar-selskap
AKSJAR: Sindre Finnes fekk lov av arbeidsgjevar Norsk Industri til å driva lobbyarbeid for skipsfartsprogram. Han eigde også aksjar i selskap som var partnar i programmet. – Dette må ein gå etter i saumane, seier professor og Civita-tilsett.
UNNTAK: Medan Erna Solberg var statsminister, skulle ektemannen Sindre Finnes halda seg unna lobbyarbeid. Eit skipsfartsprogram var eitt av to unntak.
Tuva Åserud
Medan kona var statsminister, skulle Sindre Finnes halda seg unna lobbyarbeid. Det har Norsk-Industri-sjef Stein Lier-Hansen sagt til VG. Men Sindre Finnes hadde «nokre unntak», mellom anna knytt til etableringa av Grønt skipsfartsprogram, innrømmer Lier-Hansen til Vårt Land.
Skipsfartsprogrammet har over 100 partnarar, dei fleste private selskap.
Ein sjekk Vårt Land har gjort, viser at Sindre Finnes under Erna Solbergs tid som statsminister har hatt aksjar for minst 100.000 kroner i ni av selskapa som er knytt til programmet.
