Han er for, frontar no SVs nei-haldning
Som leiar i Sosialistisk Ungdom var Nicholas Wilkinson for aktiv dødshjelp. Som SVs helsepolitiske talsmann frontar han SVs nei-haldning. På Stortinget engasjerer saka lite.
Nicholas Wilkinson blei stortingsrepresentant for SV i
september. Her frå SVs valvake i Oslo.
Vi spolar fire år tilbake i tid, kalenderen viser 2014:
«Akershus Sosialistisk Ungdom vedtok på sitt årsmøte å gå inn for en lovendring som vil tillate aktiv dødshjelp i Norge, med strenge restriksjoner», melder Nicholas Wilkinson på Facebook-sida til organisasjonen Foreningen Retten til en verdig død, som kjempar for å gjere aktiv dødshjelp lovleg i Norge.
Same år blir den unge SV-politikaren vald til leiar i ungdomspartiet, Sosialistisk Ungdom. Som SU-leiar fekk han eit spørsmål om det var éi sak han ville endre i partiprogrammet til moderpartiet.
