Trine Skei Grande (V) deler ut fem millionar kroner til såkalla dialogarbeid. Mottakarane får statleg støtte til prosjekt som skal fremme kunnskap om trus- og livssynspolitiske spørsmål. 31 søkjarar kniva om pengepotten, 23 får positivt svar:
- Den store søknadsmengda viser at det er stor interesse for å drive med dialogarbeid mellom ulike trus- og livssyn. Det er stor variasjon mellom søknadene både når det gjeld utforming og geografisk spreiing, fortel kulturminister Grande, og held fram:
– Vi gjev støtte til alt frå arbeid mot radikalisering og utanforskap, kompetansehevande tiltak retta mot både ungdom og religiøse leiarar i trussamfunn til forteljarframsyningar om Maria i Bibelen og Koranen.
LES MEIR: – Dialog har erstattet misjon
Maria i kyrkja
Konkret handlar dei tre døma Grande dreg fram om:
Dialogpilotene er eit utdanningsprosjekt for unge vaksne, og eit haldningsprosjekt for ungdom i Oslo og austlandsområdet. Kirkelig dialogsenter skal saman med Islamic Cultural Centre, Minhaj konfliktråd, Human-Etisk Forbund Oslo og Tauheed Islamic Centre utvikle eit etter- og vidareutdanningstilbod retta mot alle som vil lære meir om tros- og livssynsdialog, og ressursmateriell for lærarar og ungdomsarbeidarar.
Samarbeidsrådet for tros- og livssynssamfunn får støtte til å vidareføre kursopplegget Å leve med tro og livssyn i Norge, som er retta mot lokale dialoggrupper, trussamfunn og deira religiøse leiarar.
Grorud menighet i Oslo får støtte til fleire forteljarframsyningar med tema Maria i Bibelen møter Maria i Koranen - ein bibelforteljar og ein koranforteljar vil fortelje om Maria parallelt frå kvar sin tradisjon. Publikum blir i etterkant inviterte til samtale om stykket.
Fremme respekt
Kulturdepartementet opplyser at tilskotsordninga er mynta på trussamfunn eller samanslutningar av trus- og livssynssamfunn og frivillige og ideelle organisasjonar – og understrekar at prosjekta som mottek støtte skal bidra til å fremme forståing og respekt for ulikskap og felles verdiar som demokrati, rettsstad og menneskerettar.
Dialogsenter
Kulturdepartementet gjev i haust tilskot til følgjande mottakarar:
- Madina Institute: 100.000
- Forum for integrering og dialog Agder: 300.000
- Kirkelig dialogsenter Oslo: 300.000
- Kirkelig dialogsenter Drammen: 300.000
- Kirkelig dialogsenter Trondheim: 300.000
- Kirkelig dialogsenter Bergen: 300.000
- Kirkelig dialogsenter Stavanger: 300.000
- Grorud menighet: 250.000
- Holmlia menighet: 60.000
- Stiftelsen KULT: 70.000
- Kvekerhjelpen: 60.000
- Forandringshuset KFUK/KFUM: 150.000
- Norges Kristne Råd: 90.000
- Skaperkraft: 50.000
- Forum for tro- og livssyn Agder: 200.000
- Samarbeidsrådet for tros- og livssynssamfunn Bergen: 270.000
- Samarbeidsrådet for tros- og livssynssamfunn Stavanger: 100.000
- Dialogforum Østfold: 300.000
- Dialogpilotene: 400.000
- Info 123: 200.000
- Bydel Gamle Oslo: 200.000
- Abloom: 300.000
- Samarbeidsrådet for tros- og livssynssamfunn: 398.000
LES MEIR:
[ – Ja til dialog, nei til nyåndelig praksis ]
Utanforskap
Info123 er ein frivillig organisasjon som samarbeider med det norsk-somaliske miljøet ved Tawfiiq Islamske Senter i Oslo. Organisasjonen arbeider særleg med radikalisering og utanforskap. Abloom er eit fleirårig prosjekt for å kjempe ned tabu og skam kring funksjonshemming i religiøse miljø.