Andleta til apostlane Andreas, Johannes, Peter og Paulus vart oppdaga under bruken av ein ny laserteknikk i ei katakombe i Roma tysdag.
Bileta er frå den andre halvparen av det 4. århundret eller byrjinga av det 5. århundret, trur ekspertane i Vatikanet.
Bileta kan ha inspirert seinare målarar som har målt apostlane til Jesus, skriv BBC.
– Dette er dei første bileta som vi veit om av desse fire apostlane, seier Fabrizio Bisconti, han leier arkeologane som undersøkjer dei Vatikan-eigde katakombane i Roma.
Laserteknikken gjorde at arkeologane kunne brenne vekk eit tjukt lag av kalk som har lagt seg ver bileta på grunn av fukt og luftmangel.
Funna vart gjorde i katakomben til St. Tecla nær Paulus-kyrkja i Roma.
– Det vekkjer svært sterke kjensler å oppdage desse måleria, seier prosjektleiar Barbara Mazzei om dei nyfunne freskoane, ifølgje telegrambyrået Reuters.