Fritt Ord-vinnar snudde i Jordan

Sara Azmeh Rasmussen som bestemte seg for å dra tilbake til Syria etter det ho opplevde som forgjeves kamp mot norske mediehus for betre vilkår som frilansskribentar, snudde i Jordan og er tilbake i Stockholm.

Vårt Land fortalde 6. mars at Azmeh Rasmussen, mottakar av Fritt Ords pris i 2012, hadde gitt opp og var klar for å dra.

LES MER: [http://www.verdidebatt.no/damaskus/ «Vårt Land har skrevet om min avgjørelse om å returnere til Syria. Jeg skylder Vårt Lands lesere en ærlig forklaring. Jeg var lettere psykotisk», skriver Rasmussen på verdidebatt.]

Ho hadde tidlegare i vinter klipt sunt passet sitt i protest mot vilkpra for frilansskribentar og Norges evne til å ta imot stemmer som henne. Difor måtte ho få nytt frå den norske ambassaden i Stockholm. Etter å ha fått nytt, sette ho seg på fly til Amman i Jordan med einvegsbillett via Istanbul.

LES MER: [http://www.vl.no/samfunn/sara-azmeh-rasmussens-syria-reise-er-sjokkerende/ Sara Azmeh Rasmussens Syria-reise er sjokkerende]

Tortur. Men i Jordan snudde ho. Etter fleire timar i kaldt regn i hovudstaden Amman kontakta ho den norske ambassaden i Jordan og fekk pengar til å reise tilbake til Stockholm. Ho vart viss på at ho som regimekritikar, ville bli fengsla og torturert i Syria.

Der blei ho, som tidlegare har vore open om sin helsetilstand, frivillig innlagt på sjukehus i ti dagar.

Etter å ha blitt utskriven, har ho returnert det nye passet sitt til ambassaden i Stockholm. Ho skriv at ho i dette passet ikkje ser «annet enn bruddet med en nasjon som ikke klarer å omfavne alle sine barn».

LES OGSÅ: [http://www.vl.no/samfunn/klippet-norsk-pass-ber-om-nytt-for-a-bli-syrisk/ Sara Azmeh Rasmussen: Jeg drar tilbake til Syria]

– Ikke lenger skikket. Ho har gjort greie for vendereisa på bloggen sin der ho rettar åtak på tre namngjevne medialeiarar: «At jeg ikke er blitt hørt eller vist respekt gjennom et år har skapt sinne i meg. Nå er det blitt personlig, og dermed er jeg ikke lenger skikket til å fronte saken.»

I eit innlegg på verdidebatt.no vedgår ho likevel at reisa med Syria som mål, ikkje var fornuftig eller eit sakssvarande verkemiddel i den kampen ho har ført for betre rettar for frilansarar.

Sara Azmeh Rasmussen har ikkje vore tilgjengeleg for å bli intervjua om saka.