Servitørar jobba dugnad under NHO-konferansar
FEST FOR FIFFEN: Mange av servitørane under NHOs årskonferanse jobba på dugnad for eit selskap med fleire band til Brunstad Christian Church. NHO seier det same har skjedd under tidlegare konferansar og beklagar praksisen.
FINFINT BESØK: NHO-sjef Ole Erik Almlid (frå venstre) saman med kronprins Haakon, kronprinsesse Mette-Marit og statsminister Jonas Gahr Støre under årskonferansen i Oslo Spektrum.
Terje Pedersen
Det var høg kjendisfaktor då NHO inviterte til årskonferanse 9. januar i år. Kronprins Haakon, statsminister Jonas Gahr Støre, Høgre-leiar Erna Solberg og oljefond-sjef Nicolai Tangen var blant dei som kasta glans over konferansen i Oslo Spektrum.
Mange av dei som stod for servering under NHO-konferansen, jobba dugnad denne dagen. Dei hadde signert ei erklæring om at inntektene skulle gå til eit selskap knytt til Brunstad Christian Church (BCC) i Horten. BCC er tidlegare kjend som Smiths vener.
Også under tidlegare årskonferansar er det brukt frivillige, opplyser NHO til Vårt Land. NHO seier dei ikkje kjente til praksisen, men at dei beklagar at det er skjedd.
