I klesgiganten H&Ms haustvideo blir Mariah Idrissi filma i ei rosa kåpe, runde solbriller, og eit rutete hovudplagg. Det skapte stor interesse i sosiale media, ifølgje den britiske avisen The Independent.
Med løyve frå foreldra
Idrissi byrja bruke hijab som 17-åring. Ho fortel at ho deltok på innspelinga etter å ha fått løyve frå foreldra. Ho fekk jobbe mesteparten av tida saman med kvinnelege tilsette.
LES OGSÅ: Husker du disse kristen-trendene fra 90-tallet?
I eit intervju med Fusion blog seier 23-åringen at ho ikkje veit kvifor H&M spurde henne om å delta.
– Men det kan vere fordi hijab-mote har vorte stort dei siste åra, seier ho.
Blitt ignorert
Ifølgje Idrissi har kvinner som brukar hijab hittil blitt ignorert i moteverda.
– Vår stil har eigentleg ikkje betydd noko, seier ho til bloggen.
– Derfor er det fantastisk at eit klesmerke som H&M anerkjenner måten vi brukar hovudplagget på.
LES OGSÅ: Motebloggere med hijab skaper ny trend
Til dagleg jobbar Idrissi ved hennar eigen neglesalong i London, kalla Salon Marrakesh.
Delte meiningar
Både sikhar og muslimar, blant andre, tok del i motevideoen til H&M. Etter Idrissi blir kamera snudd mot ein mann i eit muslimsk antrekk. Forteljarstemma seier: Look chic, look sheikh.
Følg oss på Facebook og Twitter!
Britiske kommentatorar er delte om bruk av hovudplagget. Somme meiner det er kynisk av H&M. Andre meiner det er eit steg i riktig retning. Eit steg som burde bli applaudert.
Mange reaksjonar
Idrissis deltaking i H&M-videoen skapte også mange reaksjonar på sosiale media. Her er nokre av dei:
LOVE #HandM for being fashion forward & inviting a Muslim hijabi to be part of their latest campaign! #MariahIdrissi pic.twitter.com/skpADV8N0t
— Sania Sajid (@saniasajidt) September 29, 2015