Biskop ber kristne ta Ipod- og mobilfaste

Dei neste 40 dagane er det fastetid i kyrkja i tida fram til påske. Kristne er tradisjonelt blitt oppmoda til å redusere forbruket av feite rettar og gode drikkar.

LES OGSÅ: Foreslår avgiftssjokk på bensin og diesel

Engelsk biskop ber kristne gå nye vegar og inkludere kutt i klimagassar i fastetida.

Biskop Richard Chartres i London har gått saman med anti-fattigdoms-rørsla Micah Challenge International for å utfordre kristne til klima-faste, eller karbon-faste.

Karbon-faste. Ei slik karbon-faste kan gå ut på å spare straum eller å bli ete vegetarmat, melder nettstaden christiantoday.

Og her er nokre måtar å spare straum på: La vere å bruke ipod eller andre musikkspelarar, datamaskiner eller mobiltelefonar.

Det er dei fattigaste i utviklingsland som har gjort minst for å øydeleggje klimaet, som ber dei verste følgjene av klimaendringane. Vi har alle ansvar for å snu denne urettferda, seier biskop Chartres.

Støy. Den norske kyrkja oppmodar folk om å redusere uroande sanseinntrykk i fastetida:

«Faste kan for eksempel bety å skru av radioen, TV, Internett, musikk, - det som blir bakgrunnsstøy, for å komme inn på den bølgelengden der du fornemmer Guds stemme. Og kanskje oppdager du at det ut av stillheten fødes ord som gir liv. Du inviteres til å leve for Guds ansikt i bønn», heiter det på nettstaden kyrkja.no.

[ LES OM FASTETIDEN PÅ KIRKEN.NO ]