Møtte flyktningar kledd som Ku-Klux-Klan

Ein buss med 40 asylsøkjarar, som natt til fredag kom til eit asylmottak i Lahti i Finland, blei møtt av personar som hadde kledd seg som den amerikanske rasistorganisasjonen Ku Klux Klan; Kvite kapper og kvite hetter.

Kasta stein

Demonstrantane talte rundt 30-40 personar, melder YLE. Dei kasta stein og kinaputtar mot bussen, og mot Røde Kors-tilsette og journalistar på staden.

I bussen var det ti flyktningfamiliar med små barn. YLE melder at politiet har arrestert minst to av demonstrantane og at ein har fått ei bot.

Statsminister fordømmer

Finlands statsminister Juha Sipilä fordømmer angrepet. På Twitter skriv han at all vald retta mot asylsøkjarar og migrantar utan unntak må fordømmast.

Følg oss på Facebook og Twitter!

Asylmottaket i bydelen Hennala er ein nedlagt militærleir og blir Finlands største mottak.

Kraftig auke

Finland har tradisjonelt fått få asylsøkjarar, men i år har tilstrøyminga auka kraftig. Migrationsverkets siste analyser seier at Finland kan få rundt 15.000 asylsøkjarar i år.

Kasta brannbombe

Torsdag blei ein 50 år gammal mann arrestert i Kouvola søraust i Finland, etter å ha kasta ei brannbombe mot eit asylmottak, melder NTB. Brannen blei raskt sløkt og ingen blei skadd.