BEDEHUS: Stortingspresident Masud Gharahkhani vaks nesten opp i Misjonshuset i Skotselv, men vart aldri spurt om å konvertere frå islam.
Erlend Berge
Stortingspresidenten som ber til Gud kvar dag
Denne reportasjen vart publisert fyrste gong 29. januar 2022.
Haustkvelden var mørk, tett på jul i 2006. På døra i Skotselv stod politimannen Trond Berntsen. Det var alvor no.
Nokon hadde lagt eit brev med ein hatefull bodskap i postkassa til familien Gharahkhani. Masud Gharahkhani var berre 24 og var leiar av AUF i Buskerud. Nokre veker tidlegare hadde faren til Gharahkhani, Bijan, støtt på medlemer av den høgreekstreme grupperinga Vigrid i ein butikk rett ved heimen i Skotselv i Øvre Eiker. Dei snauskalla nynazistane hadde trakassert og hetsa Bijan Gharahkhani. Dei truga med at han måtte halde kjeft.
