Er pinsevennane eigentleg så gode på nåde?
KARISMATIKK: Inga synd er for stor til å rokke ved Guds grenselause kjærleik, trudde eg. Så fekk eg høyre at det finst pinsevennar som fryktar at både den eine og den andre kjem til helvete.
SYNDENAUD: Då David Sviland var fem år, kom han i syndenaud og klarte ikkje hugse om Jesus tilgir eller straffar synder.
David Beale/Unsplash
Eg trur eg var fem år då eg kom i syndenaud. Kva for ei synd eg hadde gjort, hugsar eg ikkje. Men ho var stor nok til at eg ikkje fekk sove den kvelden. Eg begynte å tenke på kva eg kunne om synd, og hugsa at Gud og Jesus hadde noko med syndene mine å gjere. Var det ikkje slik at Jesus ville sleppe meg inn i himmelen viss eg berre ba om orsaking? Eller var det omvendt, at viss han fann ut av synda mi venta evig fortaping? Jo meir eg låg og grubla på dette i mørkret, dess sikrare vart eg på at det var såleis det hang i hop.
Tårene kom og far kom og mor kom inn til meg. Til mi store lette kunne dei forsikre meg om at Jesus hadde tilgitt meg for alt gale eg hadde gjort og alt eg kom til å gjere, og at eg skulle til himmelen.
Guds grenselause kjærleik
