Det finst få filmar av same slag som Sangen fra havet. Den irske teiknaren og regissøren Tomm Moore kan likevel minne om den japanske meisterregissøren Hayao Miyazaki, med kombinasjonen av fantastisk-magiske forteljingar og nydeleg handteikning. Moore var nominert til Oscar for beste animasjonsfilm både i 2009 (The Secret of Kells) og i fjor, for Sangen fra havet. Filmskaparen, som sjølv har skrive manuset til filmen, var i The Secret of Kells oppteken av ein ung gut som blir utdanna til å følgje etter sin onkel, abbeden Callah, i klosteret. Møtet med ein anna munk gjer at han i staden får auga opp for kunsten.
