Finstilt høgreretorikk
Kulturminister Thorhild Widveys budsjettframlegg er prega av færre raude klutar og større vilje til statleg finansiering enn i fjor. Likninga om den frie kunstnaren blir likevel framleis fortald med marknaden in mente.
Kulturminister Thorhild Widvey pakkar inn bodskapen sin på ein ny måte, skriv kulturredaktør Alf Kjetil Walgermo.
NTB scanpix
Då regjeringa la fram statsbudsjettet i fjor, var det med ein forsiktig auke i totalramma. Widvey kan også i år stille med eit budsjett som verken er kutta til beinet eller har fått vesentleg mengder nytt kjøt. Overordna sett er det sett av midlar til mange gode formål: dryge 40 millionar kroner til korfeltet, 45 millionar kroner til utvida gåveforsterkingsordning som no skal gjelde ei rekke andre felt enn museum, 30 millionar kronar til talentutvikling i Talent Norge, 10 millionar kroner til eksport av norske dataspel.
Ei av dei større nysatsingane er 45 millionar kroner til insentivordning for film, som skal lokke internasjonale filmaktørar til å legge produksjonane sine til Norge. Spørsmålet er kor langt denne potten kan nå i å trekke filmregissørar som Martin Scorsese hit til landet. Ein internasjonal storfilm kostar fort mange hundre millionar kroner, så pengane kan forsvinne fort. Men vi kan jo håpe at insentivordninga gir den norske filmbransjen eit løft, ikkje eit skot for baugen.
LES OGSÅ: Sjømannskirken får litt mer penger
Bestill abonnement her
KJØP
