Litterært skriftemål

[ Anno er Vårt Lands årskavalkade. Én journalist, ett tema. Les alle historiene fra verden «Anno 2014» her! ]

Denne hausten har vi starta opp ei ny litteratursatsing i Vårt Land. Litterært skriftemål er eit eksistensielt bokbad, der vi går djupare inn i eit forfattarskap eller ei enkeltbok.

Skjønnlitteraturen er i dag under press både av dårlege tider i mediebransjen og av statlege nedskjeringar på litteraturfeltet. Samtidig ser vi at fleire og fleire forfattarar interesserer seg for eksistensielle tema. Vi ser det som viktig å synleggjere og debattere dei gode bøkene, både gjennom intervju, bokmeldingar og samtalar på scena. Målet vårt er å spegle ei breidde av den norske samtidslitteraturen, og samtidig peike ut nokre av dei viktigaste titlane og forfattarane. Dei to seinaste i rekka var Lars Petter Sveen og Mirjam Kristensen, som begge er blitt markante stemmer i sin generasjon.

I vår heseblesande tid er det av og til naudsynt å dukke ned i litteraturen, lese langsamt, og tenke dei lange tankane. Det skal vi i Vårt Land prøve å gjere også neste år.