Får vi ein ny Jon Fosse?
Den norske bokbransjen går i motbakke, men skal dei snu nedgangen, må dei tørre å tenke nytt.
FORLAGSKRISE: Har norske forlag tru på at dei kan finne og dyrke fram ein ny Jon Fosse når dei må kutte og nedbemanne?
Ole Berg-Rusten
Kutt, kutt, kutt. Det er mantraet for norske forlag no. Cappelen Damm, Bonnier, Gyldendal, Egmont, Bibelselskapet og Aschehoug kutta, nedbemanna og omorganiserte i fjor. Vi er berre i mars, men Aschehoug har varsla at dei kuttar enda meir i år og Vigmostad & Bjørke blir sakte og sikkert mindre og mindre.
Det er ikkje lenger spørsmål om kva for forlag som kuttar, men kva for forlag som ikkje kuttar.
Kva skal til for at den norske forlagsbransjen begynner å seie at dei står i ei krise?
