Ein av hans nærmaste blei drept mens han var i huset

Eigentleg skulle kantor Matthias Anger (50) vore på ei korøving denne onsdagskvelden i oktober, men ho var blitt avlyst. Han og ektemannen blir heime i leilegheita i andre etasje i den rolege gata med små trehus.

Anger står og lagar mat. Om ikkje lenge ventar dei besøk.

Brått høyrer dei eit skrik rett utanfor huset. Det er ingen tvil. Dette er ikkje barnestrekar eller fulle ungdom. Det er noko i skriket som gjer dei sikre på at noko alvorleg har skjedd.