Hyperaktuelt og morosamt
God vilje og sprutande energi ber framsyninga Påfuglen på Det Norske Teatret.
Ei fantastisk blanding av hard realisme og sprelsk humor, skriv Marianne Lystrup om Påfuglen.
Erik Aavatasmark/Det Norske Teatret
Vi har alle sett kvinna som sit med koppen sin framfor Kiwi. No er ho blitt påfugl og har hovudrolla i ein musikal mellom andre fuglar på teater. Midt inn i kvardagen vår går dette stykket. Tyra Tønnessen og Jovan Pavlovic har skrive ei humoristisk forteljing ut frå den dramatiske situasjonen vi har i verda: Ei gruppe menneske som har alt og meir enn dei treng, og andre som knapt har så dei bergar livet.
Sjølv flyktning
Det var Pavlovic som tok initiativ til å lage denne musikalen. Han er sjølv flyktning, og var jugoslaviameister i trekkspel då han kom til Trondheim, der han vart musikar i Trøndelag Teater. Stykket hadde urpremiere der i fjor. Det var sigøynarinspirert musikk og stor jubel.
