Gi deg sjølv evig liv

Om nokre månader vil teknologifirmaet Luka lansere sin nye app Replika. Det er ein samtalerobot som stiller deg spørsmål for å lære så mykje som mogleg om deg. Jo meir du snakkar med den, dess meir lik vert den deg sjølv både i innhald og tale.

– Den vil halde deg i live etter døden, dersom vi byggjer den riktig, skriv gründer Eugenia Kuyda i en e-post til Vårt Land.

Replika har blitt kalt ein hybrid mellom personlig assistent og dagbok. Skaparane ser for seg at den skal utvikle seg til å bli ein digital avatar, altså ein representasjon av deg sjølv på nett, som kan gjere keisame oppgåver, som til dømes å velje forsikringstilbod eller organisere møte med vener.