I bøn og kjærleik

Tord Gustavsen har spela piano så lenge han kan hugse. Far hans spelte mykje, både morgon og kveld, og frå 2–3-årsalderen var vesle Tord med han og spelte firehendig. Improvisasjon.

Som barn laga jazzpianisten små historier av tonane. Han likar framleis når musikken han spelar er kopla til ei verselinje, ein tittel eller ein tekst. Men han forstod likevel tidleg at musikken seier meir enn ord, og når inn til ein stad bakanfor.

– For meg handlar det om intenst nærvær og venleik, seier Gustavsen.