HÅP: For ti år sidan var Gud irrelevant for Fredrik Sletbakk. Det tok lang tid før han torde ordentleg å be. No står han i prestekjole, klar til å døype to barn i Evenes kirke.
Etter at Fredrik kom frå Utøya i live, fekk han eit kall
22. JULI: I total fortviling og brutal sorg fann Fredrik Sletbakk Olsborg håp i kyrkjeromma han måtte inn i etter å ha overlevd Noregs verste terroråtak i fredstid. No ber prestevikaren med seg livets svartaste erfaringar, og vil bruke dei til å føre andre til lys.
Denne artikkelen vart fyrste gong publisert i 2021.
– Det slår meg kvar gong eg skal ha gudsteneste: Kvifor har me ikkje ein bibel her inne?
Fredrik Sletbakk Olsborg leiter lett febrilsk rundt i det vesle sakristiet. Det er så lågt under taket at hovudet hans nesten dunkar oppi, idet han hurtig flyttar papirbunker og slår opp skapdører.
