«Heile Storbritannia er utslite av brexit. Men den uvisse framtida pregar kvardagen»
For mange i Storbritannia blir det store spørsmålet: Kan me stole på at regjeringa og parlamentet sørger for at me har det me må ha for å kunne overleve?
Skal ein lytte til Boris Johnson (avbilda) er det langt betre for britane med ingen avtale enn ein dårleg avtale.
Frank Augstein
«Viss du har forklart Brexit slik at det er fullt forståeleg, då har du forklart feil», skrev ein BBC-journalist tidlegare i haust. Sitatet overfor er sett på spissen, men det er ei sanning i det: Brexit har etterkvart blitt så komplisert at til og med dei som følgjer prosessen dag for dag slit med å forklare folk kva som føregår. Dette gjer at britar flest opplever britisk politikk som kaotisk, uføreseieleg og til tider komplett uforståeleg.
Påminning
10. oktober fekk eg e-post frå Universitetet i Sheffield kor eg studerer offentleg politikk dette året. E-posten var retta til alle EU- og EØS-studentar på universitetet og omhandla eit informasjonsmøte om rettane våre etter Brexit. Til dagleg merkar ein lite til at datoen Storbritannia høyrer til å gå ut av EU, 31. oktober, nærmar seg med stormskritt, men av og til får ein slike påminningar som dette, påminningar om at det er stille før stormen og at få av oss eigentleg veit korleis situasjonen er me går inn i november månad.
Bestill abonnement her
KJØP
