Oslosenteret blir afrikansk
DEMOKRATIOPPLÆRING: Eksstatsminister Kjell Magne Bondevik starta Oslosenteret i 2005. 17 år seinare står det på flyttefot, til Kenyas hovudstad Nairobi.
TRAPPAR NED: Kjell Magne Bondevik har leia Oslosenteret i 17 år. No skal eksstatsministeren gradvis trekkje seg ut av leiinga.
Giulia Troisi
– Oslosenteret skal stå på eigne bein i Nairobi, truleg i løpet av 2023. I dag er eg arbeidande styreleiar i senteret, men eg skal gradvis trekkje meg ut av den daglege drifta, fortel Kjell Magne Bondevik til Vårt Land.
I førstninga arbeidde Oslosenteret særleg med prosjekt knytt til fred og menneskerettar, så med interreligiøs dialog. I seinare år har arbeidet blitt dreidd mot demokratisering og demokratisk styresett.
– Det som var tenkt som eit engasjement som skulle vare i fem ti til år, har vart i heile 17 år. Eg er stolt av alt me har fått til.
