– Tuklar du med oljå, har du tapt
«OLJÅ»: Landsmøtedelegatar i det eine partiet etter det andre har denne våren gått på talarstolen og krevd ein sluttdato for olje- og gassnæringa. Berre ikkje dei frå Rogaland. Kva er det rogalendingane har forstått som dei ikkje klarar å forklare til partifellene sine?
OLJEPOLITIKK: Sindre Hals fra Stavanger ser rett over byfjorden på Rosenberg Verft. Mens de fleste partier på sine landsmøter denne våren, skjerper inn oljepolitikken av klimahensyn, foreslår lokal- og fylkeslag fra Rogaland og Stavanger en videreføring. – Når du veks opp i Stavanger ser du dei verdiane som oljå skapar, sier Hals.
Joanna Bauer
Frå leilegheita si i Stavanger ser Sindre Hals rett over byfjorden på Rosenberg Verft. Der ligg produksjonsskipet Jotun inne for ei omfattande oppgradering, nesten 22 år etter at det blei ferdigstilt same stad. Etter oppgraderingane skal Jotun produsere i 20 år til på oljefeltet Balder, som skal driftast til 2045. Oppgraderinga sysselset opp mot 1500 personar på verftet. Sindre har sjølv jobba på Jotun på Balderfeltet, han er mekanikar i oljeservicenæringa.
– Utsikta er fin. Stavanger er jo ein industriby, det er fint å sjå at det er liv på Rosenberg, at det er arbeidsplassar. Når du veks opp i Stavanger ser du dei verdiane som oljå skapar. Nesten alle du kjenner jobbar i oljå.
Oljebremsene på
