Laurdag offentleggjorde 100 profilerte personar frå finans-, kultur- og samfunnsliv eit opprop: «Har vi et hjerte for våre jødiske landsmenn?» Spørsmålet er viktig.
Partileiarane fekk tre spørsmål: • Trur de at jødiske nordmenn kjenner seg verdsette og velkomne i eige land? • På kva måte kan antisemittiske holdningar i Norge bli kartlagt, forstått og nedkjempa? • Korleis kan vi på ein effektiv måte hindre at jødiske nordmenn blir stilte til ansvar for politikken til eit anna land?
LES OGSÅ: Støre samlet partilederne til opprop mot jødehets
Ap-leiar Jonas Gahr Støre fekk søndag føremiddag dei andre partileiarane med på eit felles svar i Aftenposten i går. Det var symbolsk svært viktig etter drap på jødar i Frankrike og Danmark. Dei åtte skreiv at dei saman tek ansvar for å handle.
Men dei svarte berre delvis på spørsmåla. Spørsmålet om korleis norske jødar skal sleppe å bli stilte til ansvar for politikken til eit anna land – les: Israel – gjekk dei like godt utanom. Dei som stod bak oppropet laurdag, understreka at dei er innbyrdes usamde om synet på israelsk politikk. Det er partileiarane også, men på ein travel søndag våga dei kanskje ikkje gje seg i kast med dette vepsebolet?
Følg oss på Facebook og Twitter!
Spørsmål 2 handla om å kartleggje og nedkjempe antisemittismen. Vi har rikeleg kunnskap, ikkje minst gjennom undersøkelsen til HL-senteret frå 2012. Vi manglar handfast kunnskap om utbreiing av antisemittismen i minoritetsgrupper, som den muslimske. Vi får håpe at HL-senteret klarar å skaffe fram slik kunnskap i ein planlagt oppfølgjar.
Men dei åtte partileiarane har i grunnen inga orsaking for ikkje å ha vore meir offensive i tiltaka. Dei viser til ein handlingsplan som er til handsaming i Stortinget. Dette er eit forslag KrF har komme med i fleire rundar, utan gjennomslag. KrF vil mellom anna ha markering av den internasjonale Holocaust-dagen 27. januar i alle skular og sterkare vektlegging av kampen mot jødehat i lærarutdanninga. Med utspelet søndag er dei åtte partileiarane no plikta til å vedta konkrete tiltak.
Diskuter på Verdidebatt.