Trua på Ordet
Med Stein Mehrens bortgang er ein av moderne norsk litteraturs fremste lyrikarar løfta inn «dit gåte holder gåte i sin hånd».
Den alvorlege sjukdomen førde til at Stein Mehren i dei seinare år ikkje kunne delta i den offentlege samtalen eller vera skapande poet som før, skriv Knud Ødegård.
Erichsen, Jarl Fr.
Diktaren Stein Mehren døydde fredag, 82 år gamal. Det er ein alder for farvel for mange, men for Mehren var dei siste åra prega av ein gradvis nedbrytande Parkinson-sjukdom, ein lang veg med mykje liding.
Formuleringane frå diktet «Jeg holder ditt hode» kling i meg ved meldinga om Mehrens død. Det er eit av dei få moderne dikt som er blitt folkeeige, og som på mange måtar viser Mehrens spenst mellom det heilt nære og det som ligg høgare enn naturens sykliske rundgang:
Jeg holder ditt hode
