Reagerer på palestinske lærebøker utan Israel: KrF vil fryse støtta
Israel er fjerna i nye, palestinske lærebøker. KrF vil kutte støtta til palestinske sjølvstyresmakter. – Feilsteg, meiner Palestinakomiteen.
Ein lærar fylgjer med når palestinske elevar har prøve på siste skuledag før sommarferien i år. Nye lærebøker til palestinske skuleelevar blir i større grad prega av ein ekstrem religiøs ideologi, ifølge israelsk organisasjon.
Nasser Nasser
Dei palestinske styresmaktene har oppdatert pensumet i skulebøkene for elevar på alle skuletrinn. I dei er blant anna Israel fjerna frå karta. Alle referansar til fredsprosessar mellom landa i dei siste 25 åra er også utelatne.
Ifølge Aftenposten skal dei innehalde hyppige referansar til krig og konflikt, der krig og martyrdød blir glorifisert og omtalt som det «viktigaste i livet».
Den israelske organisasjonen Impact-se, som har analysert innhaldet, meiner pensumet fremmar ein idé om ein evigvarande konflikt.
