- Eg har lært meg å forstå kva nåde er

I Møllebyen i Moss, vakkert plassert langs Mosseelva, skjer noko av det mest spennande du for tida kan finne innan norsk kunst- og kulturliv. Her har eit knippe kompromisslause åndsmenneske rotta seg saman for å skape kunstopplevingar som tenner flammen i deg. Midt i det heile, som no i helga toppar seg i festivalen Lyse Netter – eller Skamlyse netter, som han heiter i år – finn vi Emil Nikolaisen, for mange kjent som krumtappen i norsk alternativ rock.

– Eg hadde eigentleg trekt meg tilbake frå alt, seier Nikolaisen.

– Men så fekk eg ei melding frå Elvira om eit lokale eg berre måtte komme og sjå på. Og plutseleg stod eg her med nøklane i handa.