Carola snart klar med album om Maria Magdalena
MUSIKK: Carola Häggkvists syngespel om Maria Magdalena kjem ut på Kirkelig Kulturverksted tidleg i april. Ho omtaler hjarteprosjektet som det viktigaste ho har gjort.
CAROLA OG MAGDALENA: Carola hadde urpremiere på syngespelet om Maria Magdalena på Olavsfest i 2022 – her frå prøva i Olavshallen. No er albumet straks klart for lansering.
Giulia Troisi
Sjå for deg påskedramaet sett med blikket til Maria Magdalena. Det har den svenske artisten Carola gjort, i eit syngespel som no snart blir gitt ut på plate.
– Dette er det viktigaste eg har gjort, det er eit kjært hjarteprosjekt for meg, har Carola tidlegare sagt til Vårt Land.
Carola har denne veka vore i Trondheim i høve Ski-VM. Den 11. oktober i Unity Arena på Fornebu held ho det som blir sagt å vere det einaste showet ho gjer i 2025, og den største konserten nokosinne. Men før den tid kjem ho altså ut med hjarteprosjektet sitt, Via Dolorosa - Maria Magdalenas kärlek, på Kirkelig Kulturverksted. Den første singelen frå plata, «Via Dolorosa», kjem ut allereie fredag 14. mars.
