BCC vann fram – NRK felt i PFU etter Brennpunkt-dokumentar
PRESSEETIKK: Brennpunkt-dokumentaren «Guds Utvalde – Smiths Venner» førte til omfattande diskusjon i PFU. Til slutt fell utvalet ned på at NRK hadde brote god presseskikk, men ikkje for sjølve TV-dokumentaren.
KLAGE: Brunstad Christian Church klaga inn NRK-dokumentaren «Guds Utvalde – Smiths Venner» til Pressas faglege utval.
NRK (CUSTOM_CREDIT)
– Konklusjonen er at NRK har opptredd kritikkverdig på 4.14 og brote punkt 4.17 i Ver Varsam-plakaten, sa PFU-leiar Anne Weider Aasen under møtet i Pressas Faglege Utval (PFU) onsdag.
NRK blir felt for å ikkje rydde opp i kommentarfelta etter Brennpunkt-dokumentaren som omhandlar Brunstad Christian Church (BCC), tidlegare kjende som Smiths venner. Punkt 4.17 omhandlar redigering av lesarkommentarar. På punkt 4.14, som omhandlar samtidig imøtegåing, fekk NRK kritikk for fleire radioinnslag om Brennpunkt-dokumentaren.
Styreleiar og informasjonsansvarleg i BCC, Berit Hustad Nilsen, seier ho synest det er veldig gledeleg at NRK blei felt i PFU.
