Nærgåande om norsk slavehandel
Anders Totland tek opp ei mørk skandinavisk forhistorie i barneboka Den norske slavehandelen. Det er engasjerande lesnad.
Dei dansk-norske slavehandlarane skipa ut slavar frå sine fort i den dansk-norske kolonien Gullkysten – dagens Ghana.
Kristian Krohg-Sørensen/frå boka
«Du har kanskje høyrt om slavehandelen og tenkt at det var slikt dei dreiv med i USA i gamle dagar…» står det bak på Anders Totlands nye bok. Mange vil nok stadfeste dette med eit nikk. Men når vi opnar boka, kjem forteljingar om norske menn, skip og styresmakter som tok del i denne aktiviteten. Ikkje at dette er banebrytande opplysningar, men særleg kjende er dei heller ikkje.
Vald
Anders Totland har saumfare arkiv og bibliotek for å finna informasjon til denne boka. Fordi denne slavehandelen gjekk føre seg dei hundreåra Noreg og Danmark var eitt rike, har det ikkje vore skrive så mykje om det, men noko finst det. Totland har lista opp mange av kjeldene bak i boka saman med eit lite kapittel der han tipsar lesarar om korleis dei kan gå fram dersom dei har lyst til å finna ut meir om dette emnet.
Bestill abonnement her
KJØP
