Matias Faldbakken overraskar i storarta roman om traume
Matias Faldbakken utfordrar lesarens forventningar i rik roman om normalitet og traume.
EIGENARTA: Forfattar og biletkunstnar Matias Faldbakken har etablert seg som eit av dei store namna innen norsk skjønnlitteratur. Årets roman handlar mellom anna om traume og om normalitetens grenser, alt i ei presis og eigenarta språkform.
Ole Berg-Rusten
Med den nye romanen Stakkar innfrir Matias Faldbakken dei høge forventningane etter publikum- og kritikarsuksessen Vi er fem (2019). Det gjer han, akkurat som ved tidlegare utgjevingar, ved å overraske og å nekte å imøtekomme lesarens forventningar. Faldbakken vik ikkje tilbake for å skrive om dei store spørsmåla. Årets roman handlar mellom anna om traume og om normalitetens grenser, alt i ei presis og eigenarta språkform.
Ut av skogen
Det heile startar med eit uventa møte i skogen. Slik lyd dei først setningane: «En gang for ikke lenge siden kom et barn, stakkar, krypende ut fra skogen. Ungen kløv opp grøftekanten og begynte å lunte på måfå bortetter grusveien. Det var et sørgelig skue.» Frå den andre sida kjem Oskar, ein søtten år foreldrelaus og einsam gut som arbeider på ein gard i nærleiken. Den knapt menneskeliknande skapningen stikk lynraskt av. Oskar brukar all si kløkt, menneskekunnskap og praktiske kompetanse til å fange skapningen og etter kvart også, som det heiter seinare, til å få «temmet» den.
Bestill abonnement her
KJØP
