– Å vere prest handlar om å vere verksam i samfunnet
NOMINERT: Elisabeth Thorsen vart rørt da ho fekk vite ho var nominert til Petter Dass-prisen. – Eg identifiserer meg med den kristendommen Petter Dass stod for, seier ho.
ANSVARLEG: – Prester skal vere tenarar for dei beste verdiane i eit samfunn. Vi er ansvarlege for å halde folk og samfunnet saman, heller enn å splitte, seier prest Elisabeth Thorsen.
Erlend Berge
Det har vore litt av eit år for Elisabeth Thorsen. Samtidig som ho er prest med ansvar for arbeidet til Tøyen kyrkje, har ho også gitt ut boka Alle andre dager skal vi leve. Samtaler om døden. på Gyldendal forlag. Attpåtil er ho no nominert til Petter Dass-prisen.
Thorsen seier ho vart rørt da ho fekk vite om nominasjonen.
– Eg følte eg vart møtt på noko som eg ønskjer å gjere og som eg synes er viktig.
