– Den nye moralen i samfunnet gjer dei unge psykisk sjuke
UNGDOM OG PSYKISK HELSE: Ideala er blitt så høge at mange kjenner seg utilstrekkelege, meiner forfattar og teolog Christian Hjortkjær.
SAMFUNNSDIAGNOSE: Christian Hjortkjær meiner at vi har gått frå å vere eit forbodssamfunn til å bli eit påbodssamfunn. Han er aktuell med boka «Utilstrekkelig. Hvorfor den nye moralen gjør de unge psykisk syke».
Erlend Berge
Etter mange års arbeid som lærar på ein folkehøgskule, tenkte Christian Hjortkjær at han skulle skrive ned det han snakka med elevane sine om. Resultatet er ei bok som kjem ut på norsk denne veka, Utilstrekkelig. Hvorfor den nye moralen gjør de unge psykisk syke.
– Dei unge føler at det er noko gale med dei, sjølv om dei forsøker å gjere alt rett og leve opp til ulike krav, forventingar og ideal. Dei kjenner seg bakpå, seier Hjortkjær.
Som motsetnad stiller forfattaren, folkehøgskulelæraren og teologen opp si eiga mor, som følte at ho gjorde noko gale når ho braut eit forbod. Tesen er at samfunnet i nyare tid har gått frå å vere eit forbodssamfunn til å bli eit påbodssamfunn.
