Korleis toler vi dei andre?
– Nokre gongar er det barn som blir mobba der det er heilt uforståeleg kvifor det skjer. Andre gongar er det ting ved barnet som kan gjere at du tenkjer: «Ho er ikkje lett å vere venn med,» seier Benedicte Meyer Kroneberg.
Mobbing: – Vi ventar at barna våre ikkje skal mobbe kvarandre. Men mobbing finnes på alle arbeidsstadar, overalt i samfunnet vårt, seier Benedicte Meyer Kroneberg.
Adrian Nielsen
– Kva gjer du i ein slik situasjon? Det er det du fryktar aller mest. At det ikkje skal løyse seg, at du ikkje kan love at det vil ordne seg.
Kroneberg sit med store, opne auge og lar setninga henge i lufta.
I Ikke bli borte, hennar siste roman, opplev ein norsk familie i London at dottera deira forsvinn frå skolen. Like mykje som det er ein thriller, handlar romanen om eit barn som ikkje passar inn nokon stad. Kva gjer det med ei mor og ein far når dei ser at barnet ikkje blir godtatt?
