Kjempar vi for fosteret eller eige samvit?
ABORTLOVEN: Mange som argumenterer med eit kristent syn vil gjerne vise fram ei omsorg for fosteret. Dessverre er det ofte ei omsorg som ikkje fører med seg handling.
SAMFUNNSANSVAR: – Eg meiner ein grip fatt i abortdebatten i feil ende. Eit samfunn får så mange abortar som samfunnet fortener, kan ein spissformulert seie, skriv Therese Utgård Aas.
Joakim S. Enger
I etterkant av SVs forslag til ny abortlov, har fleire etterlyst ein nøytral abortdebatt og at ein baserer politiske forslag meir på fakta.
Det er då rart at desse ytringane, der ein er mot ei oppmjuking av lovverket, i liten grad nyttar fakta sjølv. Dette gjer noko med innhaldet og stemninga i debatten.
Ein unnlet å nemne at det alt er tilgang til abort til veke 22. All indignasjon over SVs forslag endrar ikkje det faktum at dette ikkje er noko nytt. Å fjerne nemndene er det nye - altså å sikre kvinner sjølvbestemt abort til veke 22.
