Framandgjort i folkekyrkja
KYRKJE OG POLITIKK: Misforstår alle som synest folkekyrkja har fått politisk slagside?
OVERSJÅR KRITIKK: «For mange vert kyrkja sin skugge-politikk både komisk og korttenkt», skriv Sofie Braut. Ho meiner Den norske kyrkja viser ei forbløffande evne til å oversjå kritikken frå konservative kristne om kyrkjas politiske slagside. Bildet viser dei tolv biskopane under Bispemøtet i oktober i år.
Erlend Berge / Marie von Krogh
Nyleg høyrde eg ein interessant debatt i P2-programmet «Verdibørsen», mellom samfunnsvitar Asle Toje og tidlegare biskop Tor B. Jørgensen, med tema: «Kirken – bare for sosialister?»
Debatten tok vidare viktige poeng som nyleg også er drøfta av andre, slik som Minerva-redaktør Nils August Andresen (i samband med kritikk av kyrkja sin innvandringspolitikk). Spørsmålet handlar om i kva grad det er kyrkja si oppgåve å koma med politiske utspel og vedtak. Fleire opplever no at folkekyrkja erstattar sitt eigentlege mandat med eit meir allment engasjement for klima, oljeleiting, flyktning- og identitetspolitikk.
Misforstår vi?
