«Det er meir praktisk om råda endrar seg, enn at vi sjølv må gjere det»
Helsedirektoratet må få lov til å fortelje oss kva som er konsekvensen av kosten vår – sjølv om det er ubehageleg.
SJØLVBEDRAG: Det er etter kvart svært vel kjent at alkoholkonsum – i alle mengder – er skadeleg. Men framleis vil mange av oss klamre oss til den for lengst tilbakeviste myten om at litt alkohol er godt for hjartet, for å kunne drikke litt raudvin med godt samvit, skriv Sigrid Rege Gårdsvoll.
Illustrasjon: Sunniva Sunde Krogseth
«Eg trur at eg vil bli som deg når eg blir stor, mamma», sa elleveåringen, og i eitt sekund var eg oppriktig bekymra for kor setninga skulle ta vegen. «Og berre drikke alkohol når det er fest, og ikkje saman med born», avslutta ho.
Eg tillét meg ein augneblink med klapp på eiga skulder for førebels godt utført oppdragararbeid, men hadde også lyst å seie til henne at eg håper ho vil seie det same når ho er seksten, sytten eller atten. Det er kanskje ikkje så sannsynleg. I motsetnad til meg, som alkoholdebuterte i vaksen alder, veks elleveåringen nemleg opp i eit miljø der dei fleste rollemodellane ikkje er fråhaldsmenneske.
Foreldre sine alkoholvanar styrer
