Adventsglitter

Førjulstida er komen. Handelsstanden gler seg. Kan hende gler folk flest seg. Mange gruar seg. Vi går inn i tida der det meste skal glitre. Utelysa skal skine, juletreet inne skal skine, kalendrar skal ordnast, helst med pakkar som kvar for seg gjerne kunne vore julegåver til mange. Som om foreldre ikkje har nok med kalendrar til barna, skal dei ordne meir eller mindre eksotiske kalendrar til sin partnar. Det kostar å vere med på det vi vert oppfordra til frå alle hald: julebord, konsertar, julegåver, julepynt, julemat, nye klede … lista er lang.

Samtidig vert bileta frå ei anna verd stadig sterkare og vondare. Krig, sult, lemlesting, død – i eit omfang det er umogeleg å ta heilt og fullt innover seg.

Glede er gratis