NYETABLERT: Hans Nielsen Hauge Grunnskule er godkjent for 1. til 10. klasse, men starter med 1. til 5. klasse både på skulen i Oslo og på Kolbotn.
Erlend Berge
Startar privatskule i ei tid styresmaktene vil redusere dei
PRIVATSKULE: Nyetablerte Hans Nielsen Hauge Grunnskoler reknar med å gå i underskot første året, men bekymrar seg ikkje for lågt elevtal i starten: – Det kjem elevar, seier rektor
Lukta av sagspon og måling slår mot nasen idet ein trer over dørterskelen til Norlights international school sitt tidlegare bibliotek i Oslo.
Fire ferdigoppussa klasserom står som blanke ark, klare for å bli innreia med alt eit barneskule-klasserom skulle trenge.
Bygget i Skådalen nær Holmenkollen blei teikna av arkitekt Sverre Fehn på 70-talet, og var skule for elevar med døvblindheit fram til 2020. Tidlegare har også andre spesialpedagogiske tenester vore lokalisert her. I dag held den internasjonale Norlights-skulen til i deler av bygget.
