Folk i rusmiljøet ekstra utsett i varmen: – Vatn er ikkje førsteprioritet

Det er meldt om ein uvanleg varm sommar fleire stader i Europa, særleg i land som Tyskland og Frankrike. Men også her heime er sommaren spådd å bli varmare enn normalt. I fleire veker har ein sett temperaturar over 30 grader fleire stader i landet. 

For mange av oss er det mogleg å kjøle seg ned eller unnslippe varmen, men det gjeld ikkje alle. I rusmiljøet i hovudstaden er det mange som må vere ute heile dagen, og ikkje har moglegheita til å komme inn i ein avkjølt leiliegheit. Det seier Vegard Ingelstad, nestleiar ved Møtestedet, Kirkens bymisjon sin kafe i Tollbugata.

– Me er ekstra nøye på at folk som er i rus ikkje søv i sola. Då går me og vekkar dei. I tillegg er det viktig å sørge for at folk får i seg vatn, seier Ingelstad til Vårt Land.