Pappa Knut Arild Hareide finn fram ein varm genser, jakke, hue og sko til sonen Tord Olav (1). KrF-leiaren likar å kome seg ut når han er i pappaperm.
Erlend Berge
Pappaen som steller heime
Kvar er pappa? Borte? Nei, heime.
Vårsola titar opp over Grefsenåsen i Oslo. KrF-leiar Knut Arild Hareide stikk hovudet ut gjennom døra og vinkar.
– Eg må berre beklage alt rotet. Huset står litt på hovudet for tida, med barn og snikkarar som flyr inn og ut, seier Hareide og sparkar vekk eit par sko i gangen.
Tobarnsfaren kastar eit par kanelbollar i mikrobølgeomnen og skrur på kaffimaskina.
