FORTID: Fram til Aasmund Robert Vik 25 år gamal, levde han i eit Noreg der det var straffbart for han å ha sex med andre menn.
Erlend Berge
Då kjærleiken var i mørkret
SKEIV HISTORIE: Det er 50 år sidan det vart slutt på kriminalisering av homofile menn. Men først i 2021 fann Aasmund Robert Vik grava til kjærasten sin.
Denne saka var først publisert 7. april 2022.
Aasmund Robert Vik har alltid elska teater. Han har lurt på om det er fordi heile oppveksten var som eit skodespel.
Alt skulle skjulast: Forelskinga i guten i klassen. Den overveldande angsten for å måtte gifta seg med ei kvinne.
