– Eg er ikkje redd for diktatoren i Eritrea. Eg har reist for godt, sier Shishay (29) som nådde fram til Italia denne veka.Erlend Berge
29-åringen Shishay frå Eritrea jobba i Israel i fem år før han blei utvist til Etiopia. Ferda vidare gjekk til Sudan og Libya, før han la ut på ope hav i båten til smuglarane.Erlend Berge
Patruljebåten Denaro har 220 båtflyktningar om bord når han kjem til kai i Catania på Sicilia. Dei blei plukka opp frå to gummibåtar utanfor kysten av Libya.Erlend Berge
Gatekafévert Salvatore Scalia i Catania forventar at EU snart stiller opp for Italia. – Vi klarer ikkje å ta hand om alle som kjem hit, seier han.Erlend Berge
Dødsseglasen som kravde opp mot 900 liv sist helg, har fått redaksjonar over heile verda til å sende reporterar til Sicilia.Erlend Berge
Fem unge menn, alle frå Eritrea, nådde målet; dei kom levande fram til Sicilia. Neste stopp er Roma. Vi har bussbilletten i lomma, fortel Mulu (heilt til venstre) og Krrar (heilt til høgre).Erlend Berge
Mange av gutane er muslimar. Dei bur ofte saman med kristne gutar på tre- og firemanns rom.Erlend Berge
Achmed Echi leiar mottakssenteret Papa Francesco i Priolo. Hit kjem berre mindreårige tenåringsgutar.Erlend Berge
Utrangerte libyske fiskebåtar er populære blant menneskesmuglarane som sender reisande over Middelhavet. Desse har stranda for godt på stranda i Portoalto, heilt sør på Sicilia.Erlend Berge
Dei overlevde dødsreisa
214 menn. Seks kvinner. Snart får dei gå inn i det lova landet. Italia trur 200.000 båtflyktningar vil kome over havet i år.
Patruljebåten brummar til kai i Catania. På dekket står ei ny skipslast som kyniske bakmenn har sendt ut på ope hav. Nokre vinkar, andre dekkjer ansikta med hendene. Fleire trippar barføtte på skipsdekket.
No skjer det snart, det dei har betalt for, blødd for, grått for; dei skal få gå i land på europeisk jord.
