Prøveavstemming i Kyrkjemøtet: Delt på midten
DEN NORSKE KYRKJA: Ei prøveavstemming viser at eit fleirtal i Kyrkjemøtet per no ynskjer seg kyrkja nasjonalt som arbeidsgjevar. Men: det er eit endå større fleirtal for ei vidareføring av to arbeidsgjevarlinjer.
VIL STEMME: Kyrkjemøtet ynskjer seg ei prøveavstemming om kva modell ein ynskjer seg for kvar arbeidsgjevaransvaret skal liggje. Komiteleiar Harald Hegstad i midten.
Erlend Berge
55 personar stemte under ei prøveavstemming under Kyrkjemøtet for den såkalla modell 2 for organisering av arbeidsgjevaransvaret i Den norske kyrkja (sjå faktaboks for forklaring av modellane). 52 stemte imot.
Rett etterpå stemte ein over kven som ynskte seg modell 3. Dette var det eit endå større fleirtal med 63 stemmer for, og 43 stemmer mot.
Dirigent Ole Jacob Flæten påpeika at ei prøveavstemming berre er for å få ei «feeling» på kva modell Kyrkjemøtet per no ser ut til å lande på.
