No skal kyrkjepolitikarane få betalt for å vera på Kyrkjemøtet
DEN NORSKE KYRKJA: Måndag ettermiddag vedtok Kyrkjemøtet å gje møtegodtgjersle til seg sjølve.
TRONDHEIM: Eit stort fleirtal stemte gjennom møtegodtgjersle for kyrkjemøtedeltakarar.
Ole Martin Wold
Før årets Kyrkjemøte i Trondheim har det vore diskusjon om ein skal innføre møtegodtgjersle for medlemmane av Kyrkjemøtet.
Ungdomsutvalet i Den norske kyrkja har gjort det klart i Vårt Land at dei er sterkt kritisk til kostnadsauken, og har uttrykt uro for kva signaleffekt forslaget kan gje.
Også Fagforbundet Teologene og to bispedømeråd, Møre bispedømeråd og Nord-Hålogaland bispedømeråd, har vore kritiske til at medlemmene skal få betalt for deltaking på Kyrkjemøtet. Det same har kyrkjerådsmedlem Therese Egebakken gjort.
