Kan få ny gravferdsliturgi: Fleire ynskjer «mindre kristen» seremoni
DEN NORSKE KYRKJA: Denne veka vedtek truleg Kyrkjerådet ei revidering av gravferdsliturgien. Prest og gravferdskonsulent håpar på større fleksibilitet.
KAN BLI ENDRING: Arvid Stenum i Alpha Begravelse møter mange som ynskjer meir fleksibiletet i gravferdsseremonien enn det Den norske kyrkja kan tilby.
Privat
– Litt sett på spissen: ut med organisten, meir tillit til presten.
Slik oppsummerer og spissformulerer Arvid Stenum sine tankar om kva Den norske kyrkja (DNK) bør gjera med tanke på gravferder.
Stenum har drive gravferdsfirmaet Alpha Begravelse i Rogaland i over tjue år, og reknar det for kallet sitt å jobbe med gravferder.
