Folk syntest prestane Karen Helene (26) og Rasmus (28) var «galne» då dei valde jobb
REKRUTTERING: Ikkje alle unge teologar følger straumen når dei skal ut i jobb. Møt ekteparet som tener bygda som sto fleire år utan fast prest.
TILFLYTTARAR: Ekteparet Karen Helene Bøhn Melhus og Rasmus Bolstad Rustad har kvar si prestestilling i naturskjønne Vik i Sogn. Dei var ikkje i tvil om at det var bygda, ikkje byen, dei ville jobbe i etter studietida.
Endre Hilleren
Prestemangelen har vore eit faktum i årevis, og krisa har knapt betra seg i distrikta.
I Vik i Sogn hadde soknepreststillinga stått ledig i fleire år. Så kom prest Karen Helene Bøhn Melhus og preste-ektemannen Rasmus Bolstad Rustad til naturperla ved Sognefjorden.
– Folk syntest vi var litt galne, og tenkte «korleis skal dette gå». Vi skulle jo flytte til ei bygd kor vi knapt kjente nokon, og langt borte frå familiane våre, fortel Bøhn Melhus.
